Sri Nrisimha Stotram (Sthambha Avirbhava) Concept & Presenting: Praneeth Thoutam Music: Pavan Sharma Singers: R R Dhruvan, Lipsika Bhashyam, Sruthi Ranjani Modumudi Violin: Nastya Saraswati Flute: Karthikeya Vashisht Veena: Anjani Sravya Rhythms: Pavan & Naveen KP Tabla: Krishna Girish Halagi Percussion: Mohan, Santosh Creative Coordinator: Shashank M Sharma 3D Art: Nanda Kumar Visual Enhancement: Prashanth Thoutam śrīstambhāvirbhāvanarasiṃhastotram sahasrabhāskarasphuratprabhākṣadurnirīkṣaṇaṃ prabhagnakrūrakṛddhiraṇyakaśyaporurasthalam . ajasrajāṇḍakarparaprabhagnaraudragarjana- mudagranigrahāgrahogravigrahākṛtiṃ bhaje .. 1.. svayambhuśambhujambhajitpramukhyadivyasambhramaṃ dvijṛmbhamadhyadutkaṭogradaityakumbhakumbhinin- . -anargalāṭṭahāsanispṛhāṣṭadiggajārbhaṭin yugāntimāntamatkṛtāntadhikkṛtāntakaṃ bhaje .. 2.. jagajjvaladdahadgrasatprahasphuranmukhārbhaṭiṃ mahadbhayadbhavaddahagrasallasatkṛtākṛtim . hiraṇyakaśyaposahasrasaṃharatsamarthakṛ- -nmuhurmuhurmuhurgaladhvanannṛsiṃha rakṣa mām .. 3.. daridradevi duṣṭadṛṣṭi duḥkha durbharaṃ haraṃ navagrahogravakradoṣaṇādivyādhi nigraham . parauṣadhādimantrayantratantrakṛtrimaṃhanaṃ akālamṛtyumṛtyumṛtyumugramūrtiṇaṃ bhaje .. 4.. jayatyavakravikramakramakramakriyāharaṃ sphuratsahasravisphuliṅgabhāskaraprabhāgrasat . dhagaddhagaddhagallasanmahadbhramatsudarśano- nmadebhabhitsvarūpabhṛdbhavatkṛpārasāmṛtam .. 5.. vipakṣapakṣarākṣasākṣamākṣarūkṣavīkṣaṇaṃ sadā’kṣayatkṛpākaṭākṣalakṣmalakṣmivakṣasam . vicakṣaṇaṃ vilakṣaṇaṃ pratīkṣaṇaṃ parīkṣaṇaṃ parīkṣa dīkṣa rakṣa śikṣa sākṣiṇaṃ kṣamaṃ bhaje .. 6.. apūrva śaurya dhairya vīrya durnivārya durgama- makāryakṛddhanārya garvaparvataprahāryasat . pracāryasarvanirvahastuparyavaryaparviṇaṃ sadāryakāryabhāryabhṛddudāravaryaṇaṃ bhaje .. 7.. prapattinārdranābhanābhivandanapradakṣiṇā natānanāṅgavāṅmanaḥsmarajjapastuvadgadā . aśrupūrṇārdrapūrṇabhaktipāravaśyatā sakṛtkriyācaraddhavatkṛpā nṛsiṃha rakṣa mām .. 8.. karālavaktra karkaśogra vajradaṃṣṭramujjvalaṃ kuṭhārakhaḍgakuntaromarāṅkuśonnakhāyudham . mahadbhrayūdhabhagnasañcalajñatā saṭālakaṃ jagatpramūrchitāṭṭahāsacakravartiṇaṃ bhaje .. 9.. navagrahā’pamṛtyugaṇḍa vāsturoga vṛścikā- -‘gni vāḍavāgni kānanāgni śatṛmaṇḍala . pravāha kṣutpipāsa duḥkha taskara prayoga du- -ṣpramādasaṅkaṭātsadā nṛsiṃha rakṣa māṃ prabho .. 10.. phalaśruti samarpaṇam . idaṃ nṛsiṃha stambha sambha vāvatārasaṃstavaṃ varākalaṅka vaṃśya veṅkaṭābhidhāna vaiṣṇavo . samarpito’smi sarvadā nṛsiṃha dāsyatecchayā ramāṅka yādaśailanārasiṃha teṅghrisannidhau .. 11.. ugraṃ vīraṃ mahāviṣṇuṃ jvalantaṃ sarvatomukham . nṛsiṃhaṃ bhīṣaṇaṃ bhadraṃ mṛtyormṛtyurnamāmyaham ..
